Back Konstantin XI. ALS Constantín XI Paleologo AN قسطنطين الحادي عشر Arabic قسطنطين الحداشر ARZ Constantín XI AST XI Konstantin Paleoloq Azerbaijani اونبیرینجی کونستانتین AZB Канстанцін XI Палеалог Byelorussian Константин XI Палеолог Bulgarian Kustentin XI Palaiologos Breton
| Konstantyn XI Palaiologos | |
|---|---|
| Keiser van die Bisantynse Ryk | |
 | |
| Bewind | 6 Januarie 1449 - 29 Mei 1453 |
| Voorganger | Johannes VIII Palaiologos |
| Opvolger | Geen |
| Gebore | 8 Februarie 1405 Konstantinopel |
| Oorlede | 29 Mei 1453 (op 48) Konstantinopel |
| Dinastie | Palaiologos |
| Vrou | Theodora Tocco Caterina Gattilusio |
| Vader | Manuel II Palaiologos |
| Moeder | Helena Dragas |
Konstantyn XI Dragases Palaiologos (Grieks: Κωνσταντῖνος Δραγάσης Παλαιολόγος; 8 Februarie 1405 - 29 Mei 1453), in latere Griekse folklore bekend as die Marmerkeiser (Μαρμαρωμένος Βασιλιάς, Marmaromenos Vasilias), was die laaste Bisantynse keiser en het regeer van 1449 tot met sy dood met die val van Konstantinopel in 1453. Konstantyn se dood het die einde beteken van die Bisantynse Ryk, wat teruggespoor kan word tot met Konstantyn die Grote se stigting van Konstantinopel as die Romeinse Ryk se nuwe hoofstad in 330 n.C.
Omdat die Bisantynse Ryk die Romeinse Ryk se Middeleeuse voortsetting was, met sy burgers wat na hulleself as Romeine verwys het, het Konstantyn XI se dood en Konstantinopel se val ook die definitiewe einde beteken van die Romeinse Ryk, wat byna 1 500 jaar vroeër deur Augustus gestig is.